網上買戲飛免手續費 (方法、適用戲院、優惠碼)

現時，大部份戲院仍然收取網上買戲飛嘅手續費。不過，有以下方法可以免手續費㗎！

(1) 英皇戲院全面免收手續費！

英皇戲院香港首間戲院2017年先開張。而英皇領先業界，首創全面免收網上買飛手續費。毋須註冊會員、毋須使用特定付款方法，任何人全年365日網上買飛都不設手續費！即上英皇網站買飛啦！

(2) MCL指定戲院免手續費！

我哋發現，「MCL CINEMAS PLUS+ 荷里活戲院」於MCL網站網上購票係$0手續費㗎！不過其他MCL戲院就仍然有收取手續費。CINEMAS PLUS+係MCL及英皇戲院合作品牌，視乎戲院會維持以MCL (荷里活廣場) 或英皇戲院 (大圍站圍方) 營運。而主要由MCL營運嘅MCL CINEMAS PLUS+ 荷里活戲院，可能就因為英皇有份所以都跟從英皇戲院，推出網上買飛免手續費！

另外，位於新鴻基地產沙田新城巿廣場嘅「MOVIE TOWN」於新地商場「The Point」App網上購票亦係$0手續費㗎！不過經普通MCL官網或者App就冇呢個優惠喇！

顧客可以下載The Point App註冊成為會員，於App內選擇「新城市廣場」，並選擇頂部相關廣告，或者「玩樂 > 上映電影」就可以購票！

不過，付款只限VISA、Mastercard或者American Express，不接受八達通或PPS。另外亦無法使用一般MCL之信用卡優惠。