全部溜冰場已開放公眾溜冰!$65起體驗最新最大溜冰場

最新溜冰場開放資訊:請參閱此頁

早前,唔少溜冰場只係開放溜冰學生上堂使用,並未開放公眾溜冰。而家有4個溜冰場已經公佈即將重新開放或者已經重開提供公眾溜冰時段喇!另外亦有1個溜冰場正在準備中,即將重新開放。

2個全新溜冰場「愉景灣溜冰場 DB Ice Rink」、日出康城「LOHAS Rink」率先開放公眾溜冰。「愉景灣溜冰場 DB Ice Rink」已經喺8月起有限度提供公眾溜冰時段。9月份內,逢星期一、三、五10:00 - 13:00先會開放公眾溜冰。而「LOHAS Rink」則會喺8月29日(溜冰樂趣體驗日)、及9月4日起全面開放公眾溜冰(除指定時段外,9月份時間表

而Mega Ice(九龍灣MegaBox)將於9月6日起,逢星期一至五提供公眾溜冰時段。圓方嘅The Rink亦將於9月21日起,劃出場內部份區域開放公眾溜冰,區域詳情可參閱Facebook貼文。又一城歡天雪地glacier將於9月4日起,逢星期六15:45 - 17:30開放公眾溜冰,收費$90。

另外,「西九龍中心飛龍冰上樂園Sky Rink」亦即將開放公眾溜冰,但暫未正式公佈詳情。根據官方網頁此頁面,原先入場費一欄顯示為「公眾溜冰則暫停開放」,8月尾改為顯示「公眾溜冰則維持有限度開放」,預計稍後西九龍中心溜冰場將提供公眾溜冰時段

更新:西九龍中心飛龍冰上樂園Sky Rink已低調重新開放,但收費大幅上調,由全港最平變成全港最貴,收費$95。


  • 愉景灣溜冰場 DB Ice Rink(開放有限度公眾溜冰)
愉景灣溜冰場已經喺2021年新開張,係香港其中一個最大型嘅溜冰場,符合國際標準,擁有高水平的冰上設施。不過愉景灣嘅交通比較唔方便,需要喺中環坐船或者喺港鐵欣澳/東涌站轉搭巴士前往,交通需時較耐,而且費用都比較貴,愉景灣都比較缺乏平民化嘅餐廳選擇。


地址 : 大嶼山愉景灣愉景廣場C座地下
交通 : 中環碼頭往愉景灣航線、東涌站DB01R或欣澳站DB03R(更多詳情
官方資訊 : 官方網頁Facebook專頁Instagram
營運機構 : 香港興業旗下「Discovery Bay Ice Rink Limited 愉景灣溜冰場有限公司」(由集團旗下Auberge Hospitality管理)
冰面面積 : 1593平方米
大約價錢 : $70
公眾溜冰 : 有限度開放,逢星期一、三、五10:00 - 13:00,9月22日星期三(中秋節翌日公眾假期)除原有10:00 - 13:00時段外,更會加開13:30 - 16:00時段,每時段人數上限為150人

商場其他主要商戶 : Slowood等,商場商戶詳情
鄰近其他商場及商戶 : 沒有

  • LOHAS Rink(9月4日起開放公眾溜冰)
LOHAS Rink坐落MTR Malls「The LOHAS康城」,已經喺2021年新開張,同樣係香港其中一個最大型嘅溜冰場,符合國際標準。乘搭將軍澳綫往康城嘅乘客繁忙時間記得留意列車目的地,非繁忙時間就需要喺將軍澳站或調景嶺站轉乘康城穿梭列車。


地址 : 日出康城The LOHAS康城商場2樓206-210號舖
交通 : 康城站B出口、康城站公共運輸交匯處
官方資訊 : 官方網頁、Facebook專頁(沒有)
營運機構 : 香港冰球訓練學校旗下「LOHAS Rink Limited 康城溜冰場有限公司」
冰面面積 : 約1579平方米(未有官方數字,以網上資料指約17000呎計算)
大約價錢 : 平日約$65、假日約$85
公眾溜冰 : 8月29日「溜冰樂趣體驗日」及9月4日起,9月份時間表

商場其他主要商戶 : NAMCO、The LOHAS Collect、FRESH新鮮生活、Mono Mono、英皇戲院
鄰近其他商場及商戶 : 沒有

  • 九龍灣MegaBox Mega Ice
Mega Ice溜冰場係香港第三大嘅溜冰場,符合國際標準,面積僅次於愉景灣溜冰場及康城LOHAS Rink。


地址 : 九龍灣宏照道38號MegaBox 10樓
交通常悅道巴士站(國際交易中心對面)、常悅道巴士站(近企業廣場)、宏通街巴士站(綠在觀塘外),或港鐵九龍灣站A出口德福廣場2期地下轉乘免費穿梭巴士
官方資訊 : 官方網頁Facebook專頁
營運機構 : 嘉里建設旗下「Rink Management Group Limited」
冰面面積 : 1482平方米
大約價錢 : $70
公眾溜冰 : 9月6日起逢星期一至五開放公眾溜冰

商場其他主要商戶 : AEON九龍灣店(有Molly Fantasy)、IKEA宜家、嘉禾戲院、Neway旗下CEO卡啦OK、玩具反斗城、H&M、GigaSports
鄰近其他商場及商戶 : 德福廣場
  • 圓方The Rink
The Rink係首個及唯一一個香港溜冰場採用每分鐘收費嘅概念,顧客需要喺進出冰面時拍八達通卡,按顧客喺冰面上停留時間收費並於八達通扣錢。不過商場消費水平高,缺乏平民商店。


地址 : 九龍站圓方商場地下層
交通 : 港鐵九龍站C出口、九龍站公共運輸交匯處
官方資訊 : 官方網頁Facebook專頁
營運機構 : The Rink Limited
冰面面積 : 920平方米
大約價錢 : $1.5/分鐘及$20入場費
公眾溜冰 : 9月21日起,劃出場內部份區域開放公眾溜冰,區域詳情可參閱Facebook貼文

商場其他主要商戶 : 3hreesixty超市、ZARA、PREMIERE戲院及其他名牌
鄰近其他商場及商戶 : 沒有(東涌綫1站可到達奧海城或ifc mall)
  • #5 又一城歡天雪地glacier
又一城歡天雪地係全港第四大面積嘅溜冰場,又一城現時由新加坡豐樹北亞商業信托持有。


地址 : 九龍塘又一城UG-21號
交通 : 港鐵九龍塘站C出口、又一城公共交通交匯處
官方資訊 : 官方網頁Facebook專頁Instagram
營運機構 : Mapletree North Asia Property Management Limited
冰面面積 : 1150平方米
大約價錢 : $75
公眾溜冰 : 9月4日起,逢星期六15:45 - 17:30開放公眾溜冰,收費$90

商場其他主要商戶 : TASTE超市、Apple、美食廣場、H&M、MUJI、玩具反斗城、LOG-ON、Uniqlo、FESTIVAL GRAND CINEMA
鄰近其他商場及商戶 : 沒有


小編今期精選優惠/資訊
- AEON STYLE旺角:集合日式超市、日式麵包、HÓME CÓORDY、DAISO JAPAN、中島水產壽司等 現已開張按此即睇地址、詳細業態及圖片!


留言

熱門優惠、資訊(最近7日)

AEON福祿壽2021|資訊、單張、價錢

AEON升級家居自選組合2021|資訊、單張、價錢

AEON消費券|資訊、可買禮券?